(1904) Postal

link

Paxarinos que nel monte
al picu non dáis parada...
non canteis per un momentu:
¿non eis la xente plasmada,
contemplando a la neñina,
la neñina mas galana,
qu' al sol mesmu dai envidia,
el relluz de so mirada?
¿Non la veis que melguerina
va triando la quintana
con sos patinos de cera?
qu'hasta les flores por gala
envidien so galanura
so xentileza y so gracia...
Con que asina non canteis:
dexai la xente plasmada
que contemple a la neñina,
la neñina más galana,
qu' al sol mesmu dai envidia,
el relluz de so mirada...